24.06.2026 | 10:34
ԱՄՆ Սենատը կողմ է քվեարկել Իրանի դեմ ռազմական գործողությունները դադարեցնելու մասին բանաձևին
Ստոլտենբերգը պատմել է ՆԱՏՕ-ի գլխավոր քարտուղարի պաշտոնում ամենադժվար բանակցությունների մասին
Քաղաքականություն
10.10.2024 | 16:24
ՆԱՏՕ-ի նախկին գլխավոր քարտուղար Յենս Ստոլտենբերգը հայտարարել է, որ իր պաշտոնավարման ընթացքում դաշնակիցների հետ ամենադժվար բանակցությունները եղել են Ուկրաինային ռազմական աջակցության հետ կապված քննարկումները։ Քաղաքական գործչի հետ հարցազրույցը հրապարակել է Politico-ն։
Բանակցությունները, ըստ Ստոլտենբերգի, տեղի են ունեցել 2014-ից 2022 թվականներին և, ըստ նրա, անհաջող են եղել։
«Եթե մենք [այդ ընթացքում] ուղարկեինք 2022 թվականից հետո մատակարարվող զինատեսակների մի մասը, դա կարող էր կանխել պատերազմի բռնկումը»,- նշել է նա։
Ստոլտենբերգը նաև հավելել է, որ Արևելյան Եվրոպայում ՆԱՏՕ-ի ընդլայնումը մերժելը կնշանակի «ՆԱՏՕ-ին իր տեսակի մեջ առաջին և երկրորդ կարգի անդամակցություն ներմուծել»:
«Չնայած դրան՝ մենք պատրաստ էինք նստել բանակցությունների սեղանի շուրջ և հանդիպում կազմակերպել Ռուսաստանի հետ 2022 թվականի հունվարին, քանի որ կարծում էինք, որ կարևոր է հնարավոր ամեն ինչ անել՝ պատերազմը կանխելուն ուղղված քաղաքական, դիվանագիտական գործընթաց իրականացնելու համար»,- ասել է ՆԱՏՕ-ի նախկին գլխավոր քարտուղարը։
Հիշեցնենք՝ Յենս Ստոլտենբերգը ՆԱՏՕ-ի գլխավոր քարտուղարն է եղել տասը տարի՝ 2014-2024 թվականներին։ Նա այս պաշտոնը զբաղեցրել է երկու անգամ։
Այս տարվա հոկտեմբերի 1-ից ՆԱՏՕ-ն գլխավորում է Նիդերլանդների նախկին վարչապետ Մարկ Ռյուտեն։
Թարգմանությունը՝ Տաթև Ֆռանգյանի
