07.10.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Ալիևը հայտարարել է, թե Ադրբեջանի դեմ «զրպարտչական արշավ» է իրականացվում
Քաղաքականություն
10.10.2024 | 14:33
Ադրբեջանի նախագահ Իլհամ Ալիևն ուղերձով է դիմել Բաքվում անցկացվող Pre-COP29 նստաշրջանի մասնակիցներին։ Ըստ տեղական ԶԼՄ-ների՝ նա լրատվամիջոցներին մեղադրել է Ադրբեջանի դեմ «զրպարտչական արշավ» իրականացնելու մեջ։
«Չեմ կարող չանդրադառնալ որոշ լրատվամիջոցների կողմից կեղծ պատրվակներով Ադրբեջանի իմիջը նսեմացնելուն ուղղված զրպարտչական արշավին։ Նման ապարդյուն փորձերը չեն կարող մեզ խանգարել կատարել մեր վեհ առաքելությունը՝ հաղթահարելու կլիմայի փոփոխության բացասական հետևանքները»,- ասել է Ալիևը։
Հավելենք, որ վերջին շրջանում մի շարք միջազգային կազմակերպություններ հանդես են գալիս Ադրբեջանում մարդու իրավունքների վատթար իրավիճակի վերաբերյալ տարբեր զեկույցներով՝ կոչ անելով ՄԱԿ-ին ու տարբեր երկրներին ճնշում գործադրել Բաքվի վրա COP29-ին ընդառաջ՝ ազատ արձակել երկրում բոլոր քաղբանտարկյալներին, ինչպես նաև հայ գերիներին։
Թարգմանությունը՝ Էմմա Չոբանյանի
