22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Մոսկվայում մեկնարկել է Պուտինի ու Ալիևի հանդիպումը
Քաղաքականություն
08.10.2024 | 13:26
Կրեմլի մեծ պալատում մեկնարկել է ՌԴ նախագահ Վլադիմիր Պուտինի հանդիպումն Ադրբեջանի նախագահ Իլհամ Ալիևի հետ, գրում է ՏԱՍՍ-ը։
Նշվում է, որ ռուսական կողմից հանդիպմանը մասնակցում են փոխվարչապետ Ալեքսեյ Օվերչուկը, արտաքին գործերի և էներգետիկայի նախարարներ Սերգեյ Լավրովն ու Սերգեյ Ցիվիլևը, ՌԴ նախագահի օգնական Յուրի Ուշակովը և նախագահի մամուլի քարտուղար Դմիտրի Պեսկովը։
Ավելի վաղ Ուշակովը հայտարարել էր, որ բանակցությունների թեման լինելու է հայ-ադրբեջանական հարաբերությունների կարգավորումը, որին ՌԴ-ն ակտիվ մասնակցում էր, և որ այն կառուցված է 2020 թվականին Մոսկվայի, Բաքվի ու Երևանի միջև եռակողմ համաձայնագրերի հիման վրա։
Երկու երկրների ղեկավարների վերջին հանդիպումը տեղի է ունեցել օգոստոսի վերջին Բաքվում՝ ՌԴ նախագահի պետական այցի շրջանակում։
Ալիևի հետ բանակցություններից հետո նախատեսվում է Պուտինի հանդիպումը ՀՀ վարչապետ Նիկոլ Փաշինյանի հետ։
Թարգմանությունը՝ Էմմա Չոբանյանի
