30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թուրքիան պատրաստվում է ծովային ճանապարհով Լիբանանից տարհանել իր քաղաքացիներին
Քաղաքականություն
08.10.2024 | 15:01
Թուրքիան պատրաստվում է իր քաղաքացիներին տարհանել Լիբանանից։ Մասնակավորապես, Թուրքիան ԱԳՆ-ն հայտարարություն է տարածել, որ երկրի այն քաղաքացիների տարհանումը Լիբանանից, որոնք դիմում են ներկայացրել, ծովային ճանապարհով կկազմակերպվի հոկտեմբերի 9-ին, գրում են թուրքական լրատվամիջոցները։
Ակնկալվում է, որ հոկտեմբերի 8-ին, Թուրքիայի ռազմածովային ուժերի երկու նավ է մեկնելու Բեյրութ։ Նշվում է, որ դրանք, ընդհանուր առմամբ, կկարողանան փոխադրել շուրջ 2 հազար ուղևորի։
Թուրքիայի ԱԳՆ-ն ընդգծում է, որ անհրաժեշտության դեպքում տարհանումը կշարունակվի հաջորդ օրերին ևս։
«Ավարտվել են նախապատրաստական աշխատանքները՝ Թուրքիա ժամանելուն պես մեր քաղաքացիների կարիքները բավարարելու համար։ Տարհանման համար հատկացված նավերը նաև մարդասիրական օգնություն կհասցնեն Լիբանան»,- ասվում է Անկարայի հայտարարության մեջ։
Թարգմանությունը՝ Էմմա Չոբանյանի
