25.06.2026 | 14:33
Սոցիալական կրեդիտներից գումար կհատկացվի լրատվամիջոցներին, կուսակցություններին և ՀԿ-ներին՝ քաղաքացիների ընտրությամբ
Ուկրաինայում պատերազմը 15 օրից կավարտվի, եթե ԵՄ-ն դադարի աջակցել Կիևին․ Բորել
Քաղաքականություն
07.10.2024 | 21:44
Ուկրաինան կարող է պարտություն կրել Ռուսաստանի հետ պատերազմում երկու շաբաթում, եթե Եվրամիությունը դադարի օգնություն տրամադրել Կիևին, հայտարարել է եվրոպական դիվանագիտության ղեկավար ժոզեպ Բորելը։
«Շատերը ցանկանում են, որ պատերազմը հնարավորինս շուտ ավարտվի։ Եթե դադարենք աջակցել Ուկրաինային, 15 օրից պատերազմը կավարտվի, և Պուտինը կհասնի իր նպատակներին. Բայց արդյո՞ք մենք դա ուզում ենք ուկրաինացիների և մեր՝ եվրոպացիների անվտանգության համար»,- ասել է Բորելը 20 minutos-ին տված հարցազրույցում։
Նրա խոսքով՝ արևմտյան երկրները պետք է ամեն ինչ անեն, որպեսզի ապագա խաղաղ բանակցությունները տեղի ունենան «Ուկրաինայի ինքնիշխանությանն ու տարածքային ամբողջականությանը նպաստող պայմաններով»։
Օգոստոսի վերջին Բորելը ԵՄ-ից Կիևին տրամադրվող ռազմական օգնությունը գնահատել էր 43,5 միլիարդ եվրո, իսկ քաղաքացիական օգնությունը՝ 100 միլիարդ եվրո: Բացի այդ, նա հիշեցրել է, որ Բրյուսելն օգտագործում է ռուսական սառեցված ակտիվները Կիևին աջակցելու համար։
Թարգմանությունը՝ Տաթև Ֆռանգյանի
