16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ԵՊԲՀ դասախոսը՝ «Top 2% of the Scientists in the World» շարքերում
07.10.2024 | 14:28
Յուրաքանչյուր տարի Սթենֆորդի համալսարանը և աշխարհի խոշորագույն, հեղինակավոր գիտական հրատարակությունը` Elsevier-ը, ամփոփում և հրապարակում են աշխարհի գիտնականների առաջատար 2%-ի ցանկը («Top 2% of the Scientists in the World»), որտեղ ներառված են տարբեր մասնագիտություններ ներկայացնող գիտնականներ․ ֆեյսբուքի իր էջում գրել է ԵՊԲՀ ռեկտոր Արեմն Մուրադյանը։
«Գիտնականներն ընտրվում են 22 գիտական ճյուղից և 174 ենթաճյուղից։
Գիտնականներն այս ցուցակում ընդգրկվում են` հիմք ընդունելով բազմաթիվ հանգամանքներ, այդ թվում` հեղինակի ցիտումների և ինքնացիտումների քանակը, h-index-ը, տպագրված աշխատանքները և դրանցում հեղինակի զբաղեցրած գործառութային տեղը, c-score-ը (հրապարակումների որակական ազդեցությունը գնահատող ցուցանիշ, ներառում է նաև հեղինակների և համահեղինակների վերաբերյալ տեղեկատվություն) և այլն։
Հպարտ ենք, որ աշխարհի գիտնականների ամենահեղինակավոր ներկայացուցչական այս ցանկում է բժշկական գիտությունների թեկնածու, ԵՊԲՀ օրթոպեդիկ ստոմատոլոգիայի ամբիոնի դոցենտ,
«Ստոմատոլոգիա» կրթական ծրագրի ղեկավար Արտակ Հեբոյանը:
Շնորհավորում ենք ԵՊԲՀ-ն ներկայացնող մեր գործընկերոջը գիտական բնագավառում այս հաջողության համար` մաղթելով, որ ձեռքբերումները բազմապատկվեն` նպաստելով մեր երկրում ստոմատոլոգիայի զարգացմանը», – գրել է Մուրադյանը։
