07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Վրաստանի իշխանությունները հերքել են Աբխազիայի և Հարավային Օսիայի անկախության հնարավոր ճանաչման մասին լուրերը
Քաղաքականություն
06.10.2024 | 19:55
Աբխազիայի և Հարավային Օսիայի «անկախության» ճանաչման կամ նմանատիպ ապազգային հարցեր չեն քննարկվում․ այս մասին հայտարարել է «Վրացական երազանքի» գործադիր քարտուղար Մամուկա Մդինարաձեն՝ արձագանքելով ընդդիմախոսների կողմից տարածված այն տեղեկությանը, թե իշխող կուսակցությունը պատրաստվում է «միավորել» երկիրը Աբխազիայի և Հարավային Օսիայի «անկախության» ճանաչման հիման վրա։
«Վրաստանը երբեք կասկածի տակ չի դնի երկրի ամբողջականությունը: Միացյալ Վրաստանի գաղափարը մեր վրացական երազանքն է, որն անպայման կիրականանա: Ճանաչման կամ նմանատիպ ապազգային հարցեր չեն քննարկվում»,- ասել է Մդինարաձեն։
Մդինարաձեի խոսքով, Վրաստանը երբեք կասկածի տակ չի դնի երկրի ամբողջականությունը, ինչպես նաև անհնար է համաձայնել կոնֆեդերացիային։
Ինչպես նշել է Մդինարաձեն, Վրաստանը ապաօկուպացիայի կհասնի միայն խաղաղության, զարգացման, հաշտեցման և փոխադարձ ներման միջոցով։
