30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ասեք՝ ինչ կարող ենք անել Ադրբեջանի համար, ամեն ինչ կանենք․ Լուկաշենկոն՝ Ադրբեջանի վարչապետին
Քաղաքականություն
03.10.2024 | 14:49
Բելառուսն ու Ադրբեջանը բարեկամություն չեն անում երրորդ երկրների դեմ, այլ անում են իրենց գործը՝ ի շահ երկու երկրների ժողովուրդների։ Այս մասին հայտարարել է Բելառուսի նախագահ Ալեքսանդր Լուկաշենոկոն Ադրբեջանի վարչապետ Ալի Ասադովի հետ հանդիպմանը, գրում է ԲԵԼՏԱ-ն։
«Չնայած միջազգային ասպարեզում տարբեր շրջադարձերին՝ Բելառուսի և Ադրբեջանի հարաբերություններում դուք և իմ շատ մտերիմ ընկեր և եղբայր Իլհամ Ալիևը պետք է իմանաք, որ Բելառուսի և Ադրբեջանի հարաբերություններում փակ թեմաներ չկան։ Մենք միջազգային իրավունքի ոչ մի նորմ չենք խախտում, երրորդ երկրների դեմ բարեկամություն չենք անում, մեր գործն անում ենք՝ ի շահ մեր ժողովուրդների»,- ասել է Լուկաշենկոն։
Նա հավելել է, որ երկու երկրները միջազգային հարթակներում փոխադարձաբար աջակցում են միմյանց և շարունակելու են աջակցել։
«Մեր հարաբերությունները միջպետական և անձնական հարաբերությունների լավ միահյուսում են, դա նպաստում է այն մակարդակին, որ ունենք հարաբերություններում։ Ասեք՝ ինչ կարող ենք մենք անել Ադրբեջանի համար, և մենք ամեն ինչ կանենք։ Այդպես եղել է մինչ այս ու լինելու է հետագայում։ Համոզված եմ, որ Ադրբեջանն էլ մեզ համար կանի ամենը, ինչին ընդունակ է, քանի որ այդպես եղել է միշտ»,- հայտարարել է Բելառուսի նախագահը։
Թարգմանությունը՝ Էմմա Չոբանյանի
