25.06.2026 | 14:33
Սոցիալական կրեդիտներից գումար կհատկացվի լրատվամիջոցներին, կուսակցություններին և ՀԿ-ներին՝ քաղաքացիների ընտրությամբ
Երկաթուղային դիվերսիայի գործով 13 ռուսաստանցի մինչև 23 տարվա ազատազրկման է դատապարտվել
Քաղաքականություն
02.10.2024 | 21:47
ՌԴ Չիտայի 2-րդ Արևելյան շրջանի զինվորական դատարանը 13 մարդու մեղավոր է ճանաչել երկաթգծի վրա դիվերսիա իրականացնելու գործով, նրանցից երեքը մեղավոր են ճանաչվել նաև մի խումբ մարդկանց կողմից ահաբեկչություն նախապատրաստելու մեջ, հայտնում է BBC-ի ռուսական ծառայությունը՝ հղում կատարելով Siberian Express տելեգրամ ալիքին։
Պարբերականի համաձայն՝ այս գործում միավորվել են երկրի տարբեր շրջաններից տարբեր դրվագներ։
Ըստ քննիչների՝ «առաջնորդվելով եսասիրական մղումներով»՝ մեղադրյալները 13 դիվերսիա են իրականացրել ռազմավարական կարևոր տրանսպորտային ենթակառուցվածքներում և կենսապահովման օբյեկտներում, այդ թվում՝ Մոսկվայում: Նրանց մեղադրում էին նաև Պրիմորսկի երկրամասի օդանավակայանում կործանիչներ հրկիզելու նախապատրաստության մեջ:
Ըստ հետաքննության՝ այդ գործողությունները պետք է հանգեցնեին «իշխանությունների գործունեության ապակայունացման»՝ նպատակ ունենալով «ստիպել նրանց որոշել դադարեցնել մասնակցությունն Ուկրաինայի տարածքում հատուկ ռազմական գործողությանը»։
Չորս մեղադրյալներ դատապարտվել են 19-ից 23 տարվա ազատազրկման խիստ ռեժիմի գաղութում: Մնացածը դատապարտվել են 8,5-ից մինչև 16 տարվա ազատազրկման։
Թարգմանությունը՝ Տաթև Ֆռանգյանի
