Քաղաքականություն
01.10.2024 | 22:43
Թուրքիայի նախագահ Ռեջեփ Թայիփ Էրդողանը կտրականապես զգուշացրել է Իսրայելին, որ Լիբանանում ցամաքային գործողության հետևանքները նման չեն լինի օկուպացիայի նախկին ձևերին:
«Իսրայելը մի կողմից ցեղասպանություն է իրականացնում Գազայի հատվածում և ահաբեկչական հարձակումներ Լիբանանում, իսկ մյուս կողմից փորձում է օգտագործել բոլոր հնարավոր սադրանքները՝ տարածաշրջանի երկրներին իր կրակի մեջ ներքաշելու համար»,- տեղական լրատվամիջոցների հաղորդմամբ՝ ասել է Էրդողանը։
Նա նշել է, որ Իսրայելի ղեկավարությունը, Պաղեստինից և Լիբանանից հետո շարժվելով «ավետյաց երկրի» խելագար պատրանքով, հայացքն ուղղելու է դեպի Թուրքիայի հողերը։
«Մեր շուրջն են՝ օկուպացիա, ահաբեկչություն և ագրեսիա։ Մենք բախվել են ոչ թե իրավական պետության, այլ արյունով սնվող մարդասպանների «հոտի» հետ։ Իսրայելական ագրեսիան ազդում է նաև Թուրքիայի վրա, որը բոլոր հնարավոր միջոցներով կդիմադրի այս պետական ահաբեկչությանը հանուն իր հայրենիքի, ժողովրդի և անկախության։ Յուրաքանչյուր անխոհեմ հայտարարությունից տեսնում ենք, որ Իսրայելի ագրեսիան ներառում է Թուրքիան։ Ես շատ հստակ զգուշացնում եմ Իսրայելին՝ Լիբանանի դեմ ցամաքային գործողության արդյունքները որևէ նմանություն չեն ունենա նրանց նախկին օկուպացիաների հետ»,- ասել է Թուրքիայի նախագահը։
Թարգմանությունը՝ Էմմա Չոբանյանի
