23.06.2026 | 12:34
Շրջափակել էին ամբողջ շենքը, առգրավեցին կանխիկ գումարն ու զարդերը. Իշխան Սաղաթելյան․ ՏԵՍԱՆՅՈՒԹ
Մանկական պահվածք․ Վրաստանի վարչապետը՝ Բայդենի ընդունելությանը իր հրավերը չեղարկելու մասին
Քաղաքականություն
27.09.2024 | 17:29
Վրաստանի վարչապետ Իրակլի Կոբախիձեն լրագրողների հետ զրույցում անդրադարձել է ԱՄՆ նախագահ Ջո Բայդենի կողմից կազմակերպված ընդունելությանը իր հրավերը չեղարկելուն։
«Ինչ վերաբերում է չեղարկված հրավերին, ճաշին, ձեռքսեղմմանը, որը նախատեսված էր, դա մի տեսակ մանկական քայլ էր։ Ամերիկայի Միացյալ Նահանգները մեծ երկիր է, և հիմարությունը չի զարդարում այդպիսի մեծ երկիրը: Հիմար լինելը մանկական պահվածք է։ Ինչ վերաբերում է ձեռքսեղմմանը, ապա հասարակությունը պետք է իմանա մի բան և հետևություններ անի՝ այս ձեռքսեղմմանը կամ ընթրիքին, կամ ինչ էլ որ լիներ, Բայդենի հրավերով մասնակցել են ավտորիտար պետությունների մի քանի տասնյակ առաջնորդներ»,-ասել է Կոբախիձեն՝ նշելով, որ հրավիրված են ավելի քան 150 պետական ղեկավարներ, որոնցից մոտ կեսը ավտորիտար են, այդ թվում՝ ֆորմալ առումով՝ սահմանադրորեն ավտորիտար։
«Հրավիրված են ավտորիտար երկրներ, իսկ դուք չեղարկվում եք, թող հասարակությունը եզրակացություններ անի դրա մասին»,-ասել է նա։
Հիշեցնենք, որ ԱՄՆ նախագահ Ջո Բայդենը չեղարկել էր Իրակլի Կոբախիձեի հրավերը ընդունելությանը, որտեղ հանդիպում են համաշխարհային առաջնորդները և ՄԱԿ-ի բարձրաստիճան պաշտոնյաները։
Թարգմանությունը՝ Էմմա Չոբանյանի
