16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Պահեստազորայինների վարժական հավաքներ կանցկացվեն
26.09.2024 | 13:37
Հոկտեմբերի 15-ից դեկտեմբերի 20-ը Հայաստանում կանցկացվեն պահեստազորայինների վարժական հավաքներ։ Որոշումն ընդունվել է Կառավարության այսօրվա նիստում՝ չզեկուցվող հարցերի փաթեթով։
Վարժական հավաքները հայտարարվում են պահեստազորայինների ռազմական ունակությունների կատարելագործման, մասնագիտական վերապատրաստման և պատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման, մարտական հերթապահության ներգրավման նպատակով։ Հայտարարված վարժական հավաքների ընթացքում յուրաքանչյուր քաղաքացի ներգրավվում է ոչ ավելի, քան 25 օրացուցային օր ժամկետով:
Որոշման նախագծի ընդունմամբ ՀՀ պետական բյուջեում լրացուցիչ ծախսեր չեն առաջանում․ ծախսերն իրականացվելու են 2024 թվականի պետական բյուջեով այդ նպատակով հատկացված միջոցների հաշվին:
Որոշման նախագիծը կապված է ՀՀ կառավարության 2021-2026 թթ. ծրագրի «1.3 Պաշտպանության ոլորտ. Զինված ուժերի բարեփոխումներ» բաժնի 5-րդ կետի հետ, ի դեմս` Կառավարությունը շարունակելու է զորահավաքային նախապատրաստության և զորահավաքի մեխանիզմների կատարելագործումը, ինչպես ներգրավված ուժերի, այնպես էլ տեխնիկական նոր լուծումների միջոցով, կատարելագործվելու է Հայաստանի Հանրապետության պետական սահմանի պահպանության համակարգը:
