11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Ադրբեջանի ՌՕՈՒ-ի Սու-25 ինքնաթիռների արդիականացման նախագծի առաջին փուլն ավարտվել է
Քաղաքականություն
24.09.2024 | 23:30
Ադրբեջանի ռազմաօդային ուժերին պատկանող Սու-25 ինքնաթիռների արդիականացման նախագծի առաջին փուլն ավարտվել է։ Այս մասին ադրբեջանական լրատվամիջոցներին ասել է թուրքական TÜSAŞ ընկերության գործադիր տնօրեն Մեհմեդ Դեմիրօղլուն։
Նա նշել է, որ ինքնաթիռների մեծ մասի արդիականացման աշխատանքները կիրականացվեն Բաքվում, ևս մեկինը՝ Անկարայում։
«Այս նախագիծը կարևոր է ինչպես պաշտպանական արդյունաբերության, այնպես էլ Ադրբեջանի էկոհամակարգի համար։ Հաջորդ փուլում մենք Ադրբեջան կմատակարարենք HÜRKUŞ ինքնաթիռները՝ ուսումնական նպատակներով։ Միաժամանակ, նախատեսվում է ադրբեջանցի ռազմական օդաչուներին ներգրավել Անկարայում ուսուցման գործընթացում։ Այս ուղղությամբ աշխատանքները հաջողությամբ շարունակվում են և ամբողջությամբ կավարտվեն առաջիկա ամիսներին»,- ասել է Դեմիրօղլուն։
Նա նաև հայտարարել է, որ Ադրբեջանին հինգերորդ սերնդի թուրքական Kaan ինքնաթիռների մատակարարման շուրջ բանակցությունները շարունակվում են։
«Այս նախագիծը սկզբնական փուլում է, ուստի դժվար է դրա մասին կոնկրետ ինչ-որ բան ասել։ Նախագիծը նախատեսվում է շարունակել մինչև 2030 թվականը»,- ասել է նա։
Թարգմանությունը՝ Էմմա Չոբանյանի
