16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
ՆԳՆ միգրացիայի և քաղաքացիության ծառայությունը ՀՀ մարզերում շրջիկ ձևաչափով ծառայություններ է մատուցում
Հասարակություն
23.09.2024 | 22:42
Աշխատանքներն արդյունավետ կազմակերպելու, սպասարկումը քաղաքացիների համար առավել հասանելի դարձնելու նպատակով ՆԳՆ միգրացիայի և քաղաքացիության ծառայության տարածքային բաժիններում մատուցվում են շրջիկ ծառայություններ։
ՀՀ ներքին գործերի նախարարությունից տեղեկացնում են, որ Լեռնային Ղարաբաղից բռնի տեղահանված անձանց ՀՀ քաղաքացիություն ստանալու վերաբերյալ դիմումների ընդունումը նույնպես ներառվում է շրջիկ ծառայությունում:
Օգոստոսի 19-ից 26-ը շրջիկ ծառայություն է մատուցվել Արմավիրի մարզի Սարդարապատ, Խոյ, Արաքս, Մեծամոր, Փարաքար և Էջմիածին համայնքներում։
«Շրջիկ խումբը կշարունակի ծառայություններ մատուցել Կոտայքի մարզում.Չարենցավան քաղաքում՝ սեպտեմբերի 24-ին, ժամը 10․00-16․00,Չարենցավան համայնքի գյուղական բնակավայրերում՝ սեպտեմբերի 25-ին.Բջնիում՝ ժամը 9․30-12․00,Արզականում՝ ժամը 13․00-14․00,Ալափարսում՝ ժամը 14․30-15․30,Ֆանտանում՝ ժամը 16․00-17․00,Կարենիսում՝ ժամը 17․30-18․30,Բյուրեղավան քաղաքում՝ սեպտեմբերի 26-ին, ժամը 10․00-16․00 ,Եղվարդ քաղաքում՝ սեպտեմբերի 27-ին, ժամը 10․00-16․00»,- ասվում է հաղորդագրության մեջ։
