30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ճապոնիայում հորդառատ անձրևների հետևանքով 6 մարդ է մահացել
Քաղաքականություն
23.09.2024 | 16:44
Ճապոնիայի արևմտյան Հոնսյու կղզու Իսիկավա պրեֆեկտուրայում հորդառատ անձրևների հետևանքով վեց մարդ է զոհվել, ևս յոթ բնակիչ անհետ կորած է համարվում, հաղորդում է NHK-ն:
Առնվազն 115 բնակավայրերի հետ կապը կորել է։ Դեպի այդ բնակավայրեր տանող ճանապարհները սողանքների պատճառով փակ են։
Սեպտեմբերի 21-ին Ճապոնիայում տեղացած տեղումների հետևանքով ամենաշատը տուժել են Նոտո գյուղն ու Վաջիմա և Սուզու քաղաքները։ Օդերևութաբանների տվյալներով՝ վերջին երկու օրվա ընթացքում Վաջիմայում տեղացել է ավելի քան 540 մմ անձրև, ինչը ռեկորդային է 1975 թվականից ի վեր։
Այս պահի դրությամբ՝ հայտնի է առնվազն վեց մահվան դեպքի մասին։ Նրանցից երկուսը մահացել են Նակայա թունելում, որն արգելափակվել է սողանքից հետո։ Ընդհանուր առմամբ, թունելում 12 մարդ է եղել, 10-ին հաջողվել է փրկել։
Սուզուում և Նոտոյում եղանակային անբարենպաստ պայմանների պատճառով ավելի քան 1,7 հազար տուն մնացել է առանց ջրի և էլեկտրականության։ Վաջիմայում 6200 տան ջրամատակարարումը խաթարվել է: Բացի այդ, Իշիկավա պրեֆեկտուրայի որոշ շրջաններ հաղորդակցության խնդիրներ ունեն:
Սեպտեմբերի 21-ին Իսիկավայում հորդառատ անձրևների հետևանքով վտանգի մակարդակը հինգից չորս է եղել: Աղետների կառավարման գործակալությունн առաջարկություններ է ներկայացրել պրեֆեկտուրայի շուրջ 30,000 բնակիչների տարհանման անհրաժեշտության վերաբերյալ:
Թարգմանությունը՝ Տաթև Ֆռանգյանի
