07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Խնդիրները որպես քաղաքական գործիք օգտագործելը չի նպաստում ՀՀ-Թուրքիա հարաբերությունների կարգավորմանը․ Էրդողան
Քաղաքականություն
23.09.2024 | 17:29
Թուրքիայի նախագահ Ռեջեփ Թայիփ Էրդողանը Նյու Յորքում Թուրք-ամերիկյան ազգային համակարգող կոմիտեի (TASC) կազմակերպած միջոցառմանն ունեցած ելույթում հայտարարել է, որ Թուրքիային հակադրվող շահերի տարբեր խմբեր շարունակում են ճնշում գործադրել ամերիկյան Կոնգրեսի վրա, գրում է Անադոլուն։
«Դուք շատ լավ գիտեք, թե ինչ անհարմարություններ են առաջացնում նման գործողությունները թուրք-ամերիկյան հանրության մեջ։ Պետք է զգոն լինել այս մտածելակերպի դեմ, որը փորձում է թունավորել մեր երեխաների ու երիտասարդների միտքը՝ դպրոցական ծրագրերը լցնելով անհիմն զրպարտություններով։ Ձեր արձագանքն այս թշնամական գործողություններին միասնության և համակարգման մեջ թույլ կտա ամերիկացի քաղաքական գործիչներին իմանալ պատմական փաստերը։ Հարցերը, որոնք պետք է թողնվեն պատմաբաններին, որպես քաղաքական գործիք օգտագործելը և դրանք տարբեր լոբբիների կողմից շահագործելը չի նպաստի թուրք-ամերիկյան հարաբերություններին, ոչ էլ Թուրքիայի՝ Հայաստանի հետ հարաբերությունների կարգավորման ջանքերին»,- հայտարարել է Էրդողանը։
Թարգմանությունը՝ Էմմա Չոբանյանի
