15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Թուրքիան վերանայում է կապի սարքերի անվտանգությունը Լիբանանում պայթյուններից հետո
Քաղաքականություն
20.09.2024 | 15:45
Թուրքիան վերանայում է կապի միջոցները՝ պաշտպանելու իր զինված ուժերի կողմից օգտագործվող հաղորդակցության սարքավորումները Լիբանանում փեյջերների պայթյուններից հետո։ Այս մասին թուրքական լրատվամիջոցներին ասել է Թուրքիայի ՊՆ պաշտոնյան։
Նա անանունության պայմանով նշել է, որ թուրքական զինուժը բացառապես օգտագործում է հայրենական արտադրության սարքավորումներ, սակայն Անկարան լրացուցիչ վերահսկողության մեխանիզմներ ունի, եթե երրորդ կողմը ներգրավված է սարքերի գնման կամ արտադրության մեջ:
«Մեր զինված ուժերում օգտագործվում են միայն ներքին և ազգային կապի համակարգեր ու ծրագրային ապահովում: Եթե որևէ երրորդ կողմ ներգրավված է արտադրական գործընթացում, ապա մատակարարման և արտադրության գործընթացում գործում են լրացուցիչ մանրամասն վերահսկողության մեխանիզմներ: Անկախ նրանից՝ դրանք մեր կողմից իրականացվող գործողություններն են, Ուկրաինայում շարունակվող պատերազմը, թե՞ Լիբանանի օրինակը, միջոցառումները վերանայվում են և նոր միջոցներ են մշակվում՝ որպես յուրաքանչյուր զարգացումից քաղված դասերի մաս»,- ասել է պաշտոնյան։
Նա նաև հայտարարել է, որ այդ միջադեպի առնչությամբ իրականացնում են անհրաժեշտ հետաքննություն։
Թարգմանությունը՝ Էմմա Չոբանյանի
