08.10.2026 | 15:44
Ռուսաստանը հարվածել է Կրամատորսկում ուղևորատար ավտոբուսների․ զոհվել է 30 մարդ, ևս 18-ը՝ վիրավորվել
ԵՄ խորհուրդը հաստատել է Եվրահանձնաժողովի նոր կազմը
Քաղաքականություն
20.09.2024 | 11:40
ԵՄ խորհուրդը հաստատել է Եվրահանձնաժողովի ղեկավար Ուրսուլա ֆոն դեր Լեյենի առաջարկած եվրահանձնակատարների ցուցակը։ Այս մասին հայտնել է ԵՄ խորհրդի մամուլի ծառայությունը։ Որոշումը կուղարկվի Եվրախորհրդարանի հաստատմանը, գրում է DW-ի ռուսական ծառայությունը։
«Խորհուրդն այսօր, Եվրահանձնաժողովի ղեկավարի հետ ընդհանուր համաձայնությամբ, հաստատել է այն անձանց ցուցակը, որոնց առաջարկվում է նշանակել Հանձնաժողովի անդամներ՝ մինչև 2029 թվականի հոկտեմբերի 31-ն ընկած ժամանակահատվածում»,- ասվում է գերատեսչության հաղորդագրության մեջ։
Ընդհանուր առմամբ, 25 եվրահանձնակատար է ընդգրկված ցուցակում, առանձին ընդգծված է Էստոնիայի նախկին վարչապետ Կայա Կալլասի մասին․ նա կդառնա ԵՄ արտաքին գործերի և անվտանգության քաղաքականության գերագույն ներկայացուցիչը՝ փոխարինելով Ժոզեպ Բորելին։
Եվրահանձնաժողովի ղեկավարը սեպտեմբերի 17-ին ներկայացրել էր գերատեսչության նոր կազմի ցուցակը։ Ուրսուլա ֆոն դեր Լեյենը նշել էր, որ իր գերատեսչության նոր կազմը պետք է ներառի 11 կին, ինչը համապատասխանում է 40% քվոտային։
Եվրահանձնաժողովի նոր կազմը աշխատանքը կսկսի նոյեմբերի 1-ից, եթե Եվրախորհրդարանը հաստատի բոլոր թեկնածուներին։
Թարգմանությունը՝ Տաթև Ֆռանգյանի
