02.06.2026 | 11:44
Իրավապահները զենք ու թմրանյութ են փնտրում․ խուզարկություններ՝ Արմավիրում
Մեկ տարվա ընթացքում ավելի քան 2 միլիոն միգրանտ է լքել Ռուսաստանը
Քաղաքականություն
19.09.2024 | 22:38
2024 թվականի սեպտեմբերի սկզբին, ըստ պաշտոնական տվյալների, Ռուսաստանում գրանցվել է 6,2 միլիոն օտարերկրյա քաղաքացի։ Մեկ տարի առաջ այս ցուցանիշը կազմում էր 8,5 մլն մարդ։ Պետական գերատեսչությունների հաղորդագրությունների համաձայն՝ վերջին մեկ տարվա ընթացքում այնտեղ բնակվող ավելի քան 2 միլիոն օտարերկրյա քաղաքացիներ լքել են Ռուսաստանը:
Ներկայում երկրում գրանցված է 6,17 միլիոն օտարերկրյա քաղաքացի, հայտնել է ՌԴ ՆԳՆ միգրացիոն հարցերով գլխավոր վարչությունը, փոխանցում է DW-ի ռուսական ծառայությունը։
«Այս տարվա սեպտեմբերի 1-ի դրությամբ՝ ՌԴ-ում գտնվող օտարերկրյա քաղաքացիների թիվը, որոնց մասին տեղեկատվություն կա միգրացիայի հաշվառման պետական տեղեկատվական համակարգում, կազմել է 6 միլիոն 174 հազար 777 մարդ»,- նշել են նախարարությունից։
Միաժամանակ, ամբողջ 2023 թվականի ընթացքում Ռուսաստանի Դաշնությունում միգրացիայի համար գրանցվել է ավելի քան 8,5 միլիոն մարդ, հունիսի վերջին ասել է ՌԴ մարդու իրավունքների հանձնակատար Տատյանա Մոսկալկովան։
«Ամենից շատ ԱՊՀ անդամ երկրների քաղաքացիներ են աշխատում Ռուսաստանի տարածքում։ 2023 թվականին մեր տարածք է մուտք գործել 9,973,338 մարդ, որոնցից 8,507,906-ը միգրացիոն հաշվառման է կանգնել»,- ասել է Մոսկալկովան։
Թարգմանությունը՝ Տաթև Ֆռանգյանի
