19.09.2024 | 23:29
ԵԽ Նախարարների կոմիտեն Թուրքիայի կողմից ստանձնած պարտավորությունները չկատարելու վեց դեպք կքննարկի
ՌԴ-ի հակահարձակումը Կուրսկի շրջանում կանգնեցվել է. Ուկրաինայի ԶՈՒ հրամանատարություն
Քաղաքականություն
18.09.2024 | 21:36
Ռուսական հակահարձակումը Կուրսկի շրջանում դադարեցվել է, նրա տարածքի մի մասը մնում է ուկրաինական վերահսկողության տակ։ BBC-ի ռուսական ծառայության փոխանցմամբ՝ այս մասին ասել է այս տարածքում տեղակայված Ուկրաինայի զինված ուժերի հրամանատարության ներկայացուցիչ Ալեքսեյ Դմիտրաշկովսկին։
«Ռուսական զորքերը փորձեցին հարձակվել թևերից, բայց այդ հարձակումները կասեցվեցին, իրավիճակը կայունացել է, և այսօր ամեն ինչ մեր վերահսկողության տակ է։ Նրանք հաջողության չհասան»,- ասել է նա։
Բացի այդ, ըստ նրա, «մի քանի հազար» ռուս խաղաղ բնակիչներ մնում են Ուկրաինայի զինված ուժերի կողմից գրավված տարածքում։ Որոշ բնակավայրերում դեռ ավելի քան 100 մարդ կա։
Ռուսաստանի Պաշտպանության նախարարությունն ավելի վաղ հրապարակել էր Կուրսկի շրջանում իր գործունեության ամենօրյա թարմացումը՝ պնդելով, թե ռուսական բանակը շարունակում է հարձակողական գործողությունները։ Ընդ որում, դրանում չի խոսվել որևէ բնակավայրի «ազատագրման» մասին, իսկ մարտական վայրերը թվարկվել են գրեթե նույնությամբ, ինչ նախորդ օրը։
