30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ֆրիդրիխ Մերցը կդառնա Գերմանիայի կանցլերի՝ ՔԴՄ/ՔՍՄ-ի թեկնածուն
Քաղաքականություն
17.09.2024 | 22:10
Քրիստոնեա-դեմոկրատական միության (CDU) և Բավարիայի Քրիստոնեա-սոցիալական միության (CSU) ընդդիմադիր դաշինքի առաջնորդները որոշել են 2025 թվականին կայանալիք Բունդեսթագի ընտրություններում Գերմանիայի կանցլերի պաշտոնում իրենց թեկնածությունն առաջադրել, գրում է DW-ի ռուսական ծառայությունը։
«Կանցլերի թեկնածության հարցը որոշված է: Նա կլինի Ֆրիդրիխ Մերցը: Ես ուրախ եմ դրա համար և բացահայտ աջակցում եմ նրան»,- այսօր Բեռլինում Մերցի հետ հանդիպումից հետո ասել է ՔՍՄ-ի ղեկավար Մարկուս Սյոդերը:
Նախկինում չէր բացառվում, որ հենց ինքը՝ Սյոդերը, կարող էր կանցլերի պաշտոնում առաջադրվել գերմանացի պահպանողականների կողմից։
ՔԴՄ-ի ղեկավարը նույնպես ընդգծել է, որ լիովին աջակցում է Մերցին և նրանց ընդհանուր նպատակին՝ փոխարինել իշխող կոալիցիային և «Գերմանիան վերադարձնել ճիշտ ուղի»։ Ինքը՝ Սյոդերը, մտադիր է շարունակել զբաղեցնել ՔՍՄ-ի նախագահի և Բավարիայի վարչապետի պաշտոնները։
Կանցլերի թեկնածության վերաբերյալ վերջնական որոշումը պետք է կայացվի սեպտեմբերի 23-ին ՔԴՄ/ՔՍՄ-ի ղեկավարության կողմից, սակայն սպասվում է, որ Մերցի թեկնածությունը կհաստատվի ձայների ճնշող մեծամասնությամբ։
