11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԵՄ-ն ՌԴ-ի սառեցված ակտիվներից ստացված եկամտից 1,4 միլիարդ եվրո է տրամադրել Ուկրաինային զենքի համար
Քաղաքականություն
17.09.2024 | 19:42
Եվրամիությունը 1,4 միլիարդ եվրո է ծախսել Ռուսաստանի սառեցված ակտիվներից՝ Ուկրաինային ռազմական օգնություն տրամադրելու համար, ասել է Եվրահանձնաժողովի (ԵՀ) ղեկավարի առաջին տեղակալ Վալդիս Դոմբրովսկիսը։
ԵՀ-ն հաղորդել է հուլիսին Ուկրաինային ռուսական ակտիվներից եկամտի առաջին տրանշի փոխանցման մասին։ Դոմբրովսկիսն ասել է, որ այդ գումարն օգտագործվել է «առաջնահերթ սարքավորումների» մատակարարման համար, այդ թվում՝ հրետանային զինամթերքի և ՀՕՊ համակարգերի, ինչպես նաև առաջին անգամ Ուկրաինայի պաշտպանական արդյունաբերության պատվերների համար։
2022 թվականի փետրվարից G7-ի երկրները, ԵՄ-ն և Ավստրալիան սառեցրել են Ռուսաստանի արժութային պահուստների մոտ 260 միլիարդ եվրոն։ Դրանից գրեթե 191 մլրդ եվրոն պահվում է բելգիական Euroclear դեպոզիտարիայում: Մայիսին ԵՄ-ն հավանություն է տվել Ուկրաինային աջակցելու համար արգելափակված ռուսական ակտիվներից ստացված եկամուտների մեծ մասն օգտագործելուն:
Շահույթի 90%-ը պետք է հատկացվի Խաղաղության եվրոպական հիմնադրամի միջոցով, ևս 10%-ը կուղարկվի ԵՄ բյուջե՝ Կիևին երկարաժամկետ աջակցության ծրագրով բաշխելու համար։
