09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Մշտադիտարկվել են Արարատի մարզի մի շարք հուշարձաններ
Մշակույթ
16.09.2024 | 18:21
ՀՀ կրթության, գիտության, մշակույթի և սպորտի նախարարության աշխատակիցները և «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի մասնագետներն այցելել են Արարատի մարզի Մոշաղբյուրի Սբ Կարապետ և Լանջանիստի Սպիտակ վանք հուշարձաններ․ տեղեկացնում են ՀՀ ԿԳՄՍՆ-ից։
Մոշաղբյուրի Սբ Կարապետ եկեղեցին նորոգվում է բարերարի միջոցներով. ամբողջությամբ փոխվում են տանիքածածկերը, ամրակայվում են վնասված հատվածները։ Ըստ նախագծի՝ վերականգնվելու են նաև տապանատունը և զանգակատունը։ Տեղում քննարկվել են նախագծային փոփոխությունների հետ կապված հարցեր՝ դրանք շուտափույթ լիազոր մարմնի հետ համաձայնեցնելու պայմանավորվածությամբ։
Լանջանիստի Սպիտակ վանքում մեծածավալ պեղման աշխատանքներ են իրականացվում Մասյացոտն թեմի պատվիրակությամբ։ Հնագիտության և ազգագրության ինստիտուտի արշավախումբն արդեն հայտնաբերել է նոր եկեղեցի, գավիթ, արձանագիր խաչքարեր և բազմաթիվ տապանաքարեր։ Պեղման աշխատանքների արդյունքում կազմվելու են տարածքի հուշարձանների նորոգման, ամրակայման և վերականգնման գիտանախագծային փաստաթղթերը և ներկայացվեն լիազոր մարմնի համաձայնեցմանը։ Ավելի վաղ նախարարության գիտամեթոդական խորհուրդը վերադարձրել էր վերականգնման նախագիծը՝ մեծածավալ պեղումների անհրաժեշտության նախապայմանով։
