30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ֆինլանդիան Ուկրաինային կփոխանցի 118 միլիոն եվրոյի ռազմական օգնության փաթեթ
Քաղաքականություն
13.09.2024 | 22:49
Ֆինլանդիան Ուկրաինային կտրամադրի մոտ 118 միլիոն եվրո արժողությամբ ռազմական օգնության 25-րդ փաթեթը, հայտնում է Ֆինլանդիայի պաշտպանության նախարարությունը, փոխանցում է Current Time-ը։
Ֆինլանդիան ընդհանուր առմամբ 2,3 միլիարդ եվրոյի չափով օգնություն է ցուցաբերել Ուկրաինային: Օպերատիվ նկատառումներից ելնելով և առաքումն անվտանգ ապահովելու համար նոր օգնության փաթեթի բովանդակության և փոխադրման մասին տեղեկատվությունը չի բացահայտվում:
«Ուկրաինայի պատերազմի զարգացումները լուրջ են մնում։ Ինչպես խոստացել էինք, Ֆինլանդիան կշարունակի Ուկրաինայի նյութական օգնություն ցուցաբերել։ Մեր ուղերձն այն է, որ մենք չպետք է հանձնվենք», – ընդգծել է պաշտպանության նախարար Անտի Հյականենը:
Մեկ շաբաթ առաջ Ռամշտեյնի հանդիպման ժամանակ Միացյալ Նահանգները հայտարարեց Ուկրաինային 250 միլիոն դոլար արժողությամբ ռազմական օգնության նոր փաթեթի մասին, ըստ Պենտագոնի գնահատականների, այս տրանշը 65-րդն էր 2021 թվականի օգոստոսից ի վեր։ Նոր փաթեթը ներառում է զինամթերք, Javelin և AT-4 հակատանկային համակարգեր, Bradley հետևակի մարտական մեքենաներ, M113 զրահափոխադրիչներ, պարեկային նավակներ և այլն։
