25.06.2026 | 15:18
Իսրայելը հերքում է Լիբանանի որոշ հատվածներից զորքերը դուրս բերելու մասին ԱՄՆ-ի հայտարարությունը
Կոլումբիայի նախագահը հայտարարել է, որ իրեն փորձում են սպանել․ հրամանն արդեն տրված է
Քաղաքականություն
13.09.2024 | 15:10
Կոլումբիայի նախագահ Գուստավո Պետրոն հայտարարել է, որ երկրում հեղաշրջում է նախապատրաստվում, որի նպատակն է սպանել իրեն կամ պաշտոնանկ անել։
«Հրաման արդեն տրված է՝ սպանել նախագահին կամ պաշտոնանկ անել նրան առաջիկա երեք ամիսների ընթացքում», – ասել է նախագահը Քվինդիոյի դեպարտամենտում այլընտրանքային լրատվամիջոցների համազգային հավաքին, փոխանցում է ՌԻԱ Նովոստին:
Նախագահը հավելել է, որ սա «Կոլումբիական ոճի պետական հեղաշրջում» է, քանի որ փորձում են տապալել նրան, չնայած այն հանգամանքին, որ «սահմանադրությունն ամբողջությամբ պաշտպանում է նախագահին ցանկացած վարչական մարմնի կողմից դատապարտելու փորձերից»։
Երկրի ղեկավարի հայտարարությունները հնչել են այն բանից հետո, երբ Ներկայացուցիչների պալատի իմփիչմենթի հանձնաժողովը հայտարարել է, որ շարունակում է Պետրոյի նախագահական քարոզարշավի ենթադրյալ ապօրինի ֆինանսավորման վերաբերյալ հետաքննությունը՝ «չնայած բազմաթիվ կասեցումներին»:
Պետրոյի խոսքով՝ խոշոր տնտեսական և քաղաքական խմբերին պատկանող լրատվամիջոցները, իմփիչմենթի գործընթաց սկսելու համար, կոլումբիացիների ուղեղներում սերմանել են այն միտքը, որ նախագահը խախտել է օրենքը:
