19.09.2024 | 23:29
ԵԽ Նախարարների կոմիտեն Թուրքիայի կողմից ստանձնած պարտավորությունները չկատարելու վեց դեպք կքննարկի
COP29-ին ընդառաջ կոչ եմ անում Ալիևին ազատ արձակել անարդարացիորեն բանտարկվածներին, այդ թվում՝ հայերին․ Բեն Քարդին
Քաղաքականություն
10.09.2024 | 11:14
ԱՄՆ Սենատի Արտաքին հարաբերությունների հանձնաժողովի նախագահ, սենատոր Բեն Քարդինը հայտարարություն է հրապարակել 2024 թվականի նոյեմբերի 11-ից նոյեմբերի 22-ը ՄԱԿ-ի Կլիմայի փոփոխության հարցերով համաժողովը (COP29) Բաքվում անցկացնելուն։
«COP29-ի նման խոշոր միջազգային համաժողովի հյուրընկալումը պետք է ուղեկցվի պատասխանատվությամբ և ակնկալիքով, որ ընդունող երկրները թույլ կտան տեղեկատվության և հարցերի անկեղծ քննարկում, ինչը պահանջում է խոսքի և հավաքների ազատության ճանաչում:Ադրբեջանը դա չի արել։ Եթե Ադրբեջանը ձգտում է կայուն հարաբերություններ հաստատել Եվրատլանտյան համայնքի հետ, ես կոչ եմ անում նախագահ Ալիևին ազատ արձակել իր կառավարության կողմից անարդարացիորեն բանտարկվածներին, այդ թվում՝ հայ ձերբակալվածներին և հասարակական ակտիվիստներին, որոնք խաղաղ կերպով բողոքել են Չովդարի ոսկու հանքավայրում վատ աշխատանքային պայմանների և շրջակա միջավայրի վրա ազդեցության դեմ»,-ասվում է հայտարարության մեջ։
Քարդինը նշում է, որ Ադրբեջանն ունի միջազգային հանրության կարևոր անդամ և Միացյալ Նահանգների գործընկեր լինելու ներուժ, բայց դա անելու համար նա պետք է ազատ արձակի նրանց՝ նախկին պատգմավոր, շրջակա միջավայրի պաշտպան Նազիմ Բայդամիրլին, կոռուպցայի դեմ պայքարող Գուբադ Իբադօղլուին, ժողովրդավարության ակտիվիստ Բահթիյար Հաջիևին, մարդու իրավունքների ակտիվիստ Իլհամիզ Գուլիևին, ընտրությունների անկախ դիտորդ Անար Մամմեդլիին, կոռուպցիայի դեմ պայքարով զբաղվող խմբագիրներ ու լրագրողներ Ուլվի Հասանլիին, Մուհամմեդ Կեկալովին, Սևինջբ Վագիֆքըզիին, Նարգիզ Աբսալամովային, Հաֆիզ Բաբալիին, Էլնարա Գասիմովային, անկախ լրագրող Ազիզ Օրուջևին, Տոգիգ Յագուբլուին, լրագրող Ալեսքեր Մամմեդլիին և տնտեսագետ Ֆարիդ Մեհրալիզադային։
«Նոյեմբերին կայանալիք COP29-ին ընդառաջ ես կոչ եմ անում Ադրբեջանի կառավարությանը ցույց տալ իր նվիրվածությունը մարդու իրավունքների պաշտպանությանը` այդ անձանց անհապաղ ազատ արձակելով»,-նշում է ԱՄՆ Սենատի Արտաքին հարաբերությունների հանձնաժողովի նախագահը։
