23.06.2026 | 15:02
«Կաշիներդ քերթվելու ա». Ավինյանը` ընտրություններին մասնակցած ընդդիմադիրներին․ ՏԵՍԱՆՅՈՒԹ
Մոսկվայի մարզի նահանգապետը հայտնել է ԱԹՍ-ի հարձակման հետևանքով զոհի և վիրավորների մասին
Քաղաքականություն
10.09.2024 | 10:27
Մոսկվայի մարզի նահանգապետ Անդրեյ Վորոբյովը հայտնել է, որ Ռամենսկոյե քաղաքի վրա անօդաչու թռչող սարքի հարվածի հետևանքով մեկ զոհ և երեք վիրավոր կա։ 9-ամյա երեխայի մահվան մասին ավելի վաղ տարածված տեղեկությունը չի հաստատվել, գրում է Current Time-ը։
Մարզի ղեկավարի խոսքով՝ մահացածը 46-ամյա կին է՝ Զինաիդա Ու.։ Մահացածը փոքրամարմին է ունեցել, և օպերատիվ ծառայությունների աշխատակիցները սկզբում նրան շփոթել են երեխայի հետ։
«Ըստ թարմացված տվյալների՝ Սպորտիվնի Պրոեզդի շենքում երեք մարդ է տուժել»,- հավելել է Վորոբիևը։
Սեպտեմբերի 10-ի առավոտյան անօդաչու թռչող սարքի հարձակումից հետո Սպորտիվնի փողոցի վրա գտնվող շենքում հրդեհ է բռնկվել 11-12-րդ հարկերում գտնվող բնակարաններում: Կրակը մարվել է։
Շրջանի ղեկավարը հայտնել է նաև, որ մեկ այլ անօդաչու թռչող սարք հարվածել է Վիսոկովոլտնայա փողոցում գտնվող մի տան՝ վնասելով իններորդ հարկի բնակարանը։ Նրա խոսքով՝ մեկ մարդ վիրավորվել է։
«43 մարդ տեղափոխվել է ժամանակավոր կացարաններ։ Բոլորին տրամադրվել է տաք սնունդ»,- նշել է Վորոբյովը։
Նրա խոսքով՝ Պոդոլսկ, Ռամենսկոյե, Լյուբերցի, Դոմոդեդովո և Կոլոմնա քաղաքային թաղամասերում գիշերը ոչնչացվել է 14 անօդաչու թռչող սարք։
