07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
4-1․ Հայաստանի ազգային հավաքականը խոշոր հաշվով հաղթեց Լատվիայի ընտրանուն
07.09.2024 | 22:05
Հայաստանի ազգային հավաքականը Ազգերի լիգայի խաղարկության C դիվիզիոնի առաջին խաղում Երևանի Վազգեն Սարգսյանի անվան «Հանրապետական» մարզադաշտում ընդունել էր Լատվիայի ընտրանուն։ Խաղն ավարտվեց 4-1 հաշվով հոգուտ մեր հավաքականի։
Հենց խաղի մեկնարկում Հայաստանի հավաքականին առաջ մղեց Վահան Բիչախչյանը։ Ընդամենը 3 րոպե անց անկյունայինի խաղարկումից հետո Գեորգի Հարությունյանի ինքնագոլից հետո հաշիվը հավասարվեց։
35-րդ րոպեին էլ ինքնագոլի հեղինակ դարձավ լատվիացիների պաշտպան Կասպար Դուրգան։ 48-րդ րոպեին Լուկաս Սելարայանը հաշիվը դարձրեց 3-1։ 86-րդ րոպեին Հայաստանի ազգային հավաքականի 4-րդ գնդակը խփեց «Կրասնոդարի» կիսապաշտպան Էդուարդ Սպերցյանը։
Հայաստանի հավաքականը հաջորդ հանդիպումն անցկացնելու է սեպտեմբերի 10-ին Սկոպյեում՝ հյուրընկալվելով Հյուսիսային Մակեդոնիայի թիմին, որն այսօր 1-1 հաշվով ոչ-ոքի էր ավարտել հանդիպումը Ֆարերյան կղզիների հավաքականի հետ։
