15.12.2025 | 16:25
Ովքեր կարող են մինչև 10,000 դրամ հետվճար ստանալ անկանխիկ առևտրից
Թրամփն ասել է, թե չգիտի՝ ինչպես արձագանքել Հարրիսին աջակցելու մասին Պուտինի խոսքերին
Քաղաքականություն
06.09.2024 | 22:01
ԱՄՆ նախագահի թեկնածու Դոնալդ Թրամփը հայտարարել է, թե չգիտի՝ ինչպես արձագանքել ՌԴ նախագահ Վլադիմիր Պուտինի հայտարարությանը, թե Կրեմլն աջակցում է Քամալա Հարրիսին ամերիկյան ընտրություններում, գրում է USA Today-ը։
«Ես չգիտեմ՝ վիրավորվա՞ծ եմ, թե՞ նա ինձ լավություն է արել»,- ասել է Թրամփը նախընտրական միջոցառման ժամանակ։
ԱՄՆ Ազգային անվտանգության խորհրդի նախագահ Ջոն Քիրբին իր հերթին կոչ է արել ՌԴ նախագահին չմեկնաբանել ամերիկյան ընտրությունները։ Նա նշել է, որ Միացյալ Նահանգները «շատ շնորհակալ կլինի», եթե Վլադիմիր Պուտինը «դադարի խոսել ամերիկյան ընտրությունների մասին» և «դադարի միջամտել դրանց»։
Սեպտեմբերի 5-ին, ելույթ ունենալով Արևելյան տնտեսական ֆորումի լիագումար նիստում, Պուտինը հայտարարել է, որ ՌԴ իշխանությունների համար ԱՄՆ ընտրություններում Քամալա Հարրիսի հաղթանակն ավելի նախընտրելի է, քան Թրամփինը։
