09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Ջո Բայդենի որդին իրեն մեղավոր է ճանաչել հարկերից խուսափելու գործով
Քաղաքականություն
06.09.2024 | 20:49
ԱՄՆ նախագահ Ջո Բայդենի որդին՝ 54-ամյա Հանթեր Բայդենը, իրեն մեղավոր է ճանաչել հարկերից խուսափելու մեղադրանքով, հաղորդում են CNN-ը, NBC-ն և մի շարք այլ ամերիկյան լրատվամիջոցներ։
Սեպտեմբերի 5-ին ելույթ ունենալով Լոս Անջելեսում կայացած դատական նիստում՝ Բայդեն կրտսերն իրեն մեղավոր է ճանաչել բոլոր ինը մեղադրանքներում:
«Այսօր Հանթերն առաջին տեղում դրեց իր ընտանիքին: Եվ դա խիզախ և սիրալիր քայլ էր»,- ասել է նրա փաստաբան Էբբի Լոուելը՝ նշելով, որ մեղքի ընդունումը թույլ է տվել խուսափել «ցուցադրական դատավարությունից»:
Բայդեն կրտսերի որոշման մասին՝ իրեն մեղավոր ճանաչել առանց դատախազների հետ գործարք կնքելու, հայտնի դարձավ գործով երդվյալ ատենակալների ընտրության սկսվելուց անմիջապես առաջ: Գործով դատավորը Մարկ Սկարզին է, որն այդ պաշտոնում նշանակվել է ԱՄՆ նախկին նախագահ Դոնալդ Թրամփի կողմից։ Դատական նիստը նշանակված է դեկտեմբերի 16-ին։
Հանթեր Բայդենը չի խոսել լրագրողների հետ, բայց հայտարարություն է տարածել՝ մեղադրելով դատախազներին այն բանի համար, որ նրանք կենտրոնացած են «ոչ թե արդարադատությանը նպաստելու, այլ իր մարդկային արժանապատվությունը նվաստացնելու վրա»:
«Ես չեմ պատրաստվում ընտանիքիս ենթարկել ավելի շատ ցավի, ավելի շատ անձնական կյանքի ներխուժման և ավելի անհարկի խայտառակության»,- ասել է նա:
ԱՄՆ Արդարադատության նախարարության տվյալներով՝ Բայդենին սպառնում է առավելագույնը 17 տարվա ազատազրկում։
