07.10.2026 | 23:48
Արթուր Դանիելյանը կալանավորվեց
Օրբանը հայտարարել է, թե Ադրբեջանը «տարածաշրջանային անվտանգության ապահովման հիանալի օրինակ է»
Քաղաքականություն
06.09.2024 | 21:52
Ադրբեջանը տարածաշրջանային անվտանգության ապահովմանհիանալի օրինակ է, Իտալիայում միջազգային համաժողովի շրջանակում լրատվամիջոցներին ասել է Հունգարիայի վարչապետ Վիկտոր Օրբանը, գրում են ադրբեջանական լրատվամիջոցները։
«Մենք շնորհակալություն ենք հայտնում Ադրբեջանին իր հանգիստ և դիվանագիտական մոտեցման համար՝ օգտագործելով բանակցելու, այնուհետև կայունություն ստեղծելու իր կարողությունը։ Ադրբեջանն օրինակ է նաև խաղաղության հաստատման առումով։ Նա գիտի՝ ինչպես կայունություն ստեղծել տարածաշրջանում»,- ասել է Օրբանը։
Նա հավելել է, որ Հունգարիան, որպես Եվրոպական խորհրդի նախագահող երկիր, աջակցում է Ադրբեջանի հետ ռազմավարական համագործակցությանը։
«Ադրբեջանն արդեն սերտ համագործակցություն ունի Եվրոպայի հետ, նա այս պահին դարձել է ռազմավարական առանցքային երկիր էներգակիրների մատակարարումների շնորհիվ։ Ուստի, որպես Եվրոպական խորհրդի նախագահ, մենք աջակցում ենք [Ադրբեջանի հետ համագործակցության ամրապնդմանը]։ Մենք հենց նոր պայմանագիր ենք ստորագրել՝ ձեր երկրից կանաչ էներգիա ներմուծելու եվրոպական երկրներ վերաբերյալ, այդ թվում՝ Հունգարիա։ Այնպես որ, կարծում եմ՝ Ադրբեջանն ապագայում առանցքային երկիր կլինիէ»,- հայտարարել է Հունգարիայի վարչապետը։
