11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մյանմարը ՌԴ-ին առաջարկել է բրինձն ու ձեթը փոխանակել նավթի և գազի հետ
Քաղաքականություն
06.09.2024 | 23:00
Մյանմարի իշխանությունները պատրաստ են անցնել Ռուսաստանի հետ բարտերային առևտրին՝ պատժամիջոցների ճնշմանը հակազդելու համար, հայտարարել է երկրի գյուղատնտեսության, անասնաբուծության և ոռոգման նախարարության պլանավորման բաժնի ղեկավար Կյաու Սվե Լինը։
«Մենք կարող ենք մատակարարել գյուղատնտեսական ապրանքներ, ինչպիսիք են բրինձը, ձեթը, շաքարավազը և ծովամթերքը: Մենք պատրաստ ենք այդ ապրանքները փոխանակել Ռուսաստանից պարարտանյութերի, նավթի և գազի հետ»,- ասել է Կյաու Սվե Լինը, մեջբերում է The Moscow Times-ը:
Նրա խոսքով՝ 20 տարի առաջ երկիրն արդեն սկսել էր բարտերային առևտուր Չինաստանի հետ, սակայն մինչ օրս Ռուսաստանի հետ նմանատիպ համակարգ ներդնելու նախադրյալներ չկային։
«Միանշանակ, պատժամիջոցներն ազդում են մեր երկկողմ առևտրի վրա։ Ուստի այժմ նոր մեխանիզմներ ստեղծելու անհրաժեշտություն կա»,- եզրափակել է Մյանմարի գյուղատնտեսության նախարարը։
