09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
Ադրբեջանն ու Իտալիան ռազմական համագործակցության հարցեր են քննարկել
Քաղաքականություն
03.09.2024 | 14:02
Ադրբեջանի պաշտպանության նախարար Զաքիր Հասանովը Բաքվում Իտալիայի դեսպան Լուկա դի Ջանֆրանչեսկոյի հետ հանդիպմանն ասել է, որ երկու երկրների հարաբերությունները ռազմական ոլորտում, ինչպես նաև այլ ոլորտներում, առանձնահատուկ բնույթ են կրում և նպաստելու են երկու երկրների զինված ուժերի զարգացմանը։
Ադրբեջանի ՊՆ-ի հաղորդագրության համաձայն՝ նշվել է, որ 2024-2025 թվականների համար Ադրբեջանի և Իտալիայի միջև ռազմական ոլորտում նախատեսված 31 միջոցառումներից մի քանիսն արդեն իրականացվել են։
Գոհունակություն հայտնելով ռազմական ոլորտում համագործակցության ներկա վիճակից՝ Իտալիայի դեսպանն ընդգծել է փոխայցելությունների կարևորությունը։
Հանդիպմանը, որին մասնակցել է նաև Ադրբեջանում Իտալիայի ռազմական կցորդ Ջանֆրանկո Վիցինին, կողմերը քննարկել են ռազմական ոլորտում համագործակցության զարգացման հեռանկարները, ինչպես նաև մտքերի հանգամանալից փոխանակում է տեղի ունեցել տարածաշրջանային անվտանգության հարցերի և փոխադարձ հետաքրքրություն ներկայացնող մի շարք հարցերի շուրջ։
Հավելենք, որ վերջին տարիներին Բաքվի և Հռոմի ռազմական համագործակցությունը գնալով ավելի է ակտիվանում։ Այս տարի հունիսին Իտալիայի ՊՆ ղեկավարի մասնակցությամբ Բաքվում Ադրբեջանի նախագահ Իլհամ Ալիևին էր ներկայացվել իտալական Leonardo ընկերության արտադրած C-27J Spartan ռազմատրանսպորտային ինքնաթիռը, որը ձեռք է բերել ադրբեջանական կողմը։
