07.10.2026 | 18:47
Անհրաժեշտության դեպքում խստացված հսկողություն կկիրառենք․ Ավանեսյանը՝ ՌԴ-ում ժանտախտի բռնկման մասին
Էրդողանն Ալիևին շնորհավորել է Մեջլիսի ընտրություններում հաղթանակի կապակցությամբ
Քաղաքականություն
02.09.2024 | 22:22
Թուրքիայի նախագահ Ռեջեփ Թայիփ Էրդողանը զանգահարել է Ադրբեջանի նախագահ Իլհամ Ալիևին և շնորհավորել խորհրդարանական ընտրություններում նրա գլխավորած «Նոր Ադրբեջան» կուսակցության «վստահ հաղթանակի» կապակցությամբ, հայտնում է Ադրբեջանի նախագահականի մամուլի ծառայությունը։
«Թուրքիայի նախագահը նշել է այս ընտրությունների կարևորությունը, քանի որ դրանք առաջին խորհրդարանական ընտրություններն են, որոնք անցկացվում են ամբողջ հանրապետությունում Ադրբեջանի ինքնիշխանության ամբողջական վերականգնումից հետո։ Ռեջեփ Թայիփ Էրդողանն ընդգծել է, որ ընտրություններն անցել են ազատ, ժողովրդավարական պայմաններում և արտացոլում են ադրբեջանական ժողովրդի կամքը»,- ասվում է հաղորդագրության մեջ։
Ալիևը շնորհակալություն է հայտնել շնորհավորանքների համար։
Զրույցի ընթացքում նշվել է, որ Թուրքիայի Ազգային մեծ ժողովի միջխորհրդարանական բարեկամության խումբն ընդլայնված կազմով Ադրբեջանում ընտրություններին ներկա է եղել դիտորդի կարգավիճակով։
Հաղորդվում է նաև, որ զրույցի ընթացքում մտքերի փոխանակություն է տեղի ունեցել «Ադրբեջանի և Թուրքիայի միջև եղբայրական և ռազմավարական դաշնակցային հարաբերությունների հեռանկարների շուրջ»։
