30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ուկրաինական բանակը փորձել է ճեղքել Բելգորոդի մարզի սահմանը
Քաղաքականություն
27.08.2024 | 15:27
Ուկրաինական բանակը փորձում է ներթափանցել Բելգորոդի մարզի հետ սահմանով, հայտնել է նահանգապետ Վյաչասլավ Գլադկովը, փոխանցում է The Moscow Times-ը։
«Տեղեկություններ են ստացվել այն մասին, որ թշնամին փորձում է ճեղքել Բելգորոդի մարզի սահմանը։ ՌԴ ՊՆ տեղեկությունների համաձայն՝ իրավիճակը սահմանին մնաւմ է բարդ, բայց վերահսկելի։ Մեր զինվորականների կողմից պլանային աշխատանքներ են տարվում»,- գրել է նա իր Տելեգրամում։
Նրա խոսքով՝ վերջին 24 ժամվա ընթացքում ուկրաինացի զինվորականները 23 անօդաչու թռչող սարք և ավելի քան 70 զինամթերք են արձակել տարածաշրջանի 27 բնակավայրերի ուղղությամբ։
«Շեբեկինո քաղաքի հրետակոծության հետևանքով վիրավորվել է 6 խաղաղ բնակիչ, նրանցից երկուսն ինքնուրույն դիմել են բժշկական օգնության առավոտյան հրետակոծությունից հետո»,- պարզաբանել է Գլադկովը։
Նահանգապետը հավելել է, որ ուկրաինական բանակի հարձակման հետևանքով վնասվել է 11 ավտոմեքենա, 16 առանձնատուն, 13 բազմաբնակարան շենք, հինգ կոմերցիոն սեփականության տարածք, գյուղատնտեսական ձեռնարկություն և էլեկտրամատակարարման գիծ։
Ըստ Shot-ի՝ Նեխոտեևկա գյուղի մոտ ուկրաինական 8 զրահամեքենաներից և 60 զինվորականներից բաղկացած խումբը մարտի է դուրս եկել ռուս սահմանապահների հետ։ Ռուսական բանակն ուկրաինացի զինվորականների վրա հարձակվել է հրետանիով և ինքնաթիռով։
