20.07.2026 | 14:48
Գորիսում քննարկվել են մարդու իրավունքների պաշտպանությանն առնչվող հարցեր․ հանդիպում՝ ՄԻՊ-ի և համայնքապետի միջև
S&P Global Ratings-ը հրապարակել է Հայաստանի սուվերեն վարկանիշը
Տնտեսություն
26.08.2024 | 21:13
S&P Global Ratings միջազգային վարկանիշային կազմակերպությունն օգոստոսի 23-ին հրապարակել է Հայաստանի սուվերեն վարկանիշը, որը մնացել է անփոփոխ՝ BB-/B մակարդակում: Այս մասին տեղեկացնում են ԿԲ-ից:
Պահպանվել է նաև վարկանիշի «կայուն» հեռանկարի գնահատականը:
Հայաստանի վարկանիշը սահմանափակված է հետևյալ գործոններով՝ երկրի թույլ, սակայն աստիճանաբար բարելավվող ինստիտուցիոնալ շրջանակը, մեկ շնչին ընկնող եկամուտների չափավոր մակարդակը, վճարային հաշվեկշռի և հարկաբյուջետային խոցելիությունը, ինչպես նաև աշխարհաքաղաքական ռիսկերի առկայությունը:
Գնահատականների համար դրական ազդեցություն ունեն Հայաստանի տնտեսական աճի ուժեղ հեռանկարը, պետական պարտքի չափավոր մակարդակը, արտաքին պաշտոնական ֆինանսավորման հասանելիությունը և խելամիտ քաղաքականության շրջանակը, որը պահպանել է տնտեսական և ֆինանսական կայունությունը բազմաթիվ արտաքին ցնցումների դեպքում:
