07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
Մակրոնը հերքում է, որ Դուրովի կալանավորումը քաղաքական որոշում է
Քաղաքականություն
26.08.2024 | 22:22
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ֆրանսիայի նախագահ Էմանուել Մակրոնը հերքում է, որ Telegram սոցիալական ցանցի համահիմնադիր Պավել Դուրովի կալանավորումը քաղաքական որոշում է։
«Ֆրանսիական հողի վրա Telegram-ի ղեկավարի ձերբակալությունը տեղի է ունեցել ընթացող դատական հետաքննության շրջանակում։ Սա ոչ մի կերպ քաղաքական որոշում չէ։ Որոշումը կկայացնեն դատավորները»,- գրել է Մակրոնը X սոցիալական ցանցում։
Դուրովը օգոստոսի 24-ին ձերբակալվել է Փարիզի Լը Բուրժե օդանավակայանում։ Ըստ տեղական մամուլի հրապարակումների՝ Դուրովը, ով նաև Ֆրանսիայի քաղաքացիություն ունի, եղել է երկրում հետախուզվողների ցուցակում։
Նա կարող է ներգրավված լինել մի շարք հանցագործությունների մեջ, այդ թվում՝ Telegram-ի՝ երկրի իշխանությունների հետ համագործակցելուց հրաժարվելու պատճառով։ Մեսենջերի հիմնադիրը կարող է մեղադրվել ահաբեկչության, թմրամիջոցների ապօրինի շրջանառության, խարդախության և փողերի լվացման մեջ՝ ի թիվս այլ բաների։ ԶԼՄ-ների տեղեկություններով՝ գործարարին կարող է սպառնալ մինչև 20 տարվա ազատազրկում։
