07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
Ուկրաինայի վրա ՌԴ զանգվածային հարձակման ժամանակ ԱԹՍ է թռել Լեհաստանի տարածք․ որոնողական աշխատանքներ են ընթանում
Քաղաքականություն
26.08.2024 | 20:49
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Ուկրաինայի վրա ռուս զինվորականների այսօրվա հարձակման ժամանակ անօդաչու թռչող սարք է մտել Լեհաստանի օդային տարածք և, հավանաբար, ընկել Լեհաստանի տարածքում։ Ներկայում որոնողական աշխատանքներ են տարվում օբյեկտի որոնման ուղղությամբ։ Այս մասին գրում է Reuters-ը՝ վկայակոչելով լեհական PAP պետական գործակալությունը։
ՆԱՏՕ-ի անդամ Լեհաստանը բարձր զգոնության վիճակում է իր օդային տարածք ներթափանցած օբյեկտների հետ կապված այն բանից հետո, երբ 2022 թվականին ուկրաինական մոլորված հրթիռն ընկել է Լեհաստանի հարավում գտնվող Պրժևոդով գյուղում՝ սպանելով երկու մարդու, նշում է աղբյուրը։
Լեհաստանի զինված ուժերի օպերատիվ հրամանատար, գեներալ Մաչեյ Կլիսի խոսքով՝ օբյեկտի գտնվելու վայրը Լեհաստանի օդային տարածքում հաստատել են առնվազն երեք ռադիոտեղորոշիչ կայանների ռադարները։ Ըստ նրա՝ օբյեկտի որոնման օպերացիա է սկսվել։
Երկուշաբթի ռուս զինվորականները տարբեր տեսակի ավելի քան հարյուր հրթիռներ և մոտ հարյուր անօդաչու թռչող սարքեր են արձակել Ուկրաինայի ուղղությամբ, հայտնել է Վլադիմիր Զելենսկին։ Հարձակման հետևանքով զոհվել է հինգ մարդ, ևս 20-ը, ըստ նախնական տեղեկությունների, վիրավորվել են։ Ուկրաինայում էներգետիկ ենթակառուցվածքի օբյեկտների վրա հարձակումների պատճառով սկսվել են էլեկտրաէներգիայի վթարային անջատումներ։
