01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Ճապոնիան Չինաստանին մեղադրել է օդային սահմանը խախտելու մեջ
Քաղաքականություն
26.08.2024 | 23:07
Չիաստանի ռազմաօդային ուժերի հետախուզական Y9 ինքնաթիռը հատել է Ճապոնիայի օդային տարածքը, ի պատասխան՝ օդ են բարձրացվել ինքնապաշտպանական ուժերի կործանիչները, հայտնում է ճապոնական Kyodo գործակալությունը՝ հղում անելով շտաբի պետերի միասնական կոմիտեի ներկայացուցիչներին։
Նշվում է, որ սա Չինաստանի հասցեին նմանատիպ առաջին մեղադրանքն է։
Գործակալության տվյալներով՝ օդային տարածքի խախտումը գրանցվել է տեղի ժամանակով 11.29-ին, Ճապոնական ծովում՝ Գոտո կղզու շրջանում։
Շտաբի պետերի միասնական կոմիտեի ներկայացուցիչների խոսքով՝ չինական զինված ուժերի ինքնաթիռը Ճապոնիայի օդային տարածքում գտնվել է երկու րոպե՝ մինչև տեղական ժամանակով 11.31-ը։
Նշվում է, որ ի պատասխան օդային տարածքի խախտման՝ օդ են բարձրացվել Ճապոնիայի օդային ինքնապաշտպանության ուժերի կործանիչները, որոնք միջոցներ են ձեռնարկել, այդ թվում՝ նախազգուշացումը։
