16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Բելգիայում չեն կարողացել նոր կառավարություն ձևավորել
Քաղաքականություն
23.08.2024 | 16:24
Բելգիայում կառավարություն կազմելու առաջին փորձն ավարտվել է անհաջողությամբ։ Երկրի խորհրդարանական ընտրություններում հաղթած աջակողմյան «Նոր ֆլամանդական դաշինք» կուսակցության ղեկավար Բարտ դը Վևերը վերադարձրել է նոր կառավարության ձևավորման շրջանակում բանակցելու իր մանդատը, գրում է Reuters-ը։
Բելգիայի թագավոր Ֆիլիպն ընդունել է քաղաքական գործչի հրաժարականը։
Նշվում է, որ Բարտ դը Վևերը մտադիր էր կոալիցիա կազմել ֆրանսախոս լիբերալ «Բարենորոգչական շարժում» (MR) կուսակցության, «Ֆլամանդական քրիստոնեա-դեմոկրատական» (CD&V) կուսակցության, Vooruit ֆլամանդական սոցիալիստական կուսակցության և ֆրանսախոս կենտրոնամետ Les Engagés կուսակցության հետ։ Բանակցությունները կենտրոնացած են եղել դը Վևերի կողմից առաջարկված լուրջ սոցիալ-տնտեսական բարեփոխումների վրա, որոնց թվում են կենսաթոշակային և հարկային համակարգերի բարեփոխումները, ինչպես նաև պետական ծախսերի կրճատումները:
Մինչ բանակցությունները շարունակվում են, Բելգիայի վարչապետ Ալեքսանդր Դե Կրոոյի կառավարությունը, որի «Բաց ֆլամանդական լիբերալներ և դեմոկրատներ» կուսակցությունը ջախջախիչ պարտություն կրեց հունիսի ընտրություններում, կշարունակի պաշտոնավարել:
