22.11.2024 | 21:14
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալով
«Սիներջի» ընկերության տնօրենն առարկեց իր և Վահան Քերոբյանի գործով նիստի նկարահանման դեմ
Հասարակություն
21.08.2024 | 16:45
Հակակոռուպցիոն դատարանում` նախագահությամբ դատավոր Մերի Մոսինյանի, այսօր նշանակված էր էկոնոմիկայի նախկին նախարար Վահան Քերոբյանի և «Սիներջի» ընկերության տնօրեն Աշոտ Հովհաննիսյանի գործով դատական նիստ: Աշոտ Հովհաննիսյանն այսօր առաջին անգամ էր դատարան եկել, մինչ այս՝ երկու նիստեր էին նշանակվել Վահան Քերոբյանի խափանման միջոցի հարցը քննարկելու համար, որոնց նա չէր ներկայացել:
Դատավորը նիստի տեսանկարահանում, ինչպես նաև ուղիղ հեռարձակում իրականացնելու վերաբերյալ ճշտեց մեղադրյալների դիրքորոշումը։ Աշոտ Հովհաննիսյանն ասաց, որ դեմ է և՛ ուղիղ հեռարձակմանը, և՛ տեսանկարահանմանը, և՛ լուսանկարահանմանը:
Դատավարության մյուս մասնակիցները` հանրային մեղադրող Գևորգ Սարգսյանը, մեղադրյալ Վահան Քերոբյանն ու վերջինիս պաշտպան Տիգրան Եգորյանը, առարկություն չներկայացրին:
Քրեական դատավարության օրենսգրի համաձայն, սակայն, մեղադրյալի առարկության պայմաններում տեսանկարահանում իրականացվել չի կարող, ուստի, հաշվի առնելով, որ մեղադրյալներից մեկն առարկել է, դատարանը որոշեց արգելել նիստի տեսա-լուսանկարահանումն ու ուղիղ հեռարձակումը:
Արաքս Մամուլյան
