14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իսրայելը համաձայնել է Գազայում զինադադարի առաջարկներին, հերթը ՀԱՄԱՍ-ինն է. Բլինքեն
Քաղաքականություն
20.08.2024 | 13:31
ԱՄՆ պետքարտուղար Էնթոնի Բլինքենը հայտնել է, որ Իսրայելն ընդունել է Գազայում հրադադար հաստատելու՝ ԱՄՆ-ի «միջանկյալ առաջարկը» և կոչ է արել պաղեստինյան ՀԱՄԱՍ խմբավորմանը՝ նույնն անել։ Նախկինում միջնորդներն ու ԱՄՆ պաշտոնյաները զգուշավոր լավատեսություն էին հայտնել բանակցությունների հաջող ավարտի վերաբերյալ, փոխանցում է BBC-ի ռուսական ծառայությունը։
Հաղորդվել է, որ ՀԱՄԱՍ-ն ու Իսրայելը պատրաստ չեն փոխադարձ զիջումների գնալ առանցքային հարցերի շուրջ։
Ավելի վաղ Բլինքենն ասել էր, որ ընթացիկ բանակցությունները կարող են լինել վերջին հնարավորությունը՝ հասնելու հրադադարի և ազատ արձակելու իսրայելցի պատանդներին, որոնք գերեվարվել են ՀԱՄԱՍ-ի զինյալների կողմից անցյալ հոկտեմբերին Իսրայելի վրա հարձակման ժամանակ։
