30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ-ը կարծում է, որ Իրանն է կանգնած Թրամփի և Հարիսի շտաբների վրա կիբերհարձակումների հետևում․ Թեհրանը հերքում է
Քաղաքականություն
20.08.2024 | 14:17
Իրանը կանգնած է Դոնալդ Թրամփի և Քամալա Հարիսի նախագահական շտաբների դեմ ուղղված վերջին կիբերհարձակումների հետևում, հայտարարել են ԱՄՆ հետախուզական ծառայությունները՝ Թեհրանին մեղադրելով առաջիկա ընտրությունների վրա ազդելու փորձի մեջ: Իրանի իշխանությունները հերքում են հարձակումներին իրենց առնչությունը:
«Մենք նկատում ենք իրանական աճող ագրեսիվ ակտիվություն այս ընտրական ցիկլի ընթացքում, հատկապես ամերիկյան հասարակության դեմ գործողությունների և նախագահական արշավների դեմ ուղղված կիբեր գործողությունների վրա»,- ասվում է ՀԴԲ-ի, Ազգային հետախուզության տնօրենի գրասենյակի և ԱՄՆ կիբերանվտանգություն և ենթակառուցվածքների անվտանգության (CISA) համատեղ հայտարարության մեջ:
Թեհրանը հերքում է իր առնչությունն ահաբեկչություններին։
Օգոստոսի 10-ին Հանրապետական կուսակցությունից ԱՄՆ նախագահի թեկնածու Դոնալդ Թրամփի նախընտրական շտաբի ներկայացուցիչները հայտնել են, որ ներքին հաղորդակցությունները կոտրվել են, միաժամանակ, ենթադրություն հայտնել, որ դրա հետևում կարող է կանգնած լինել Իրանը։
Օգոստոսի 13-ին էլ Դեմոկրատական կուսակցության նախագահի թեկնածու Քամալա Հարիսն է հայտարարել, որ իրենք նույնպես ենթարկվել են օտարերկրյա հաքերների հարձակմանը, սակայն չի նշել, թե որտեղից կարող էր լինել հարձակումը։
