07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Արոնյանը 4-րդ տեղն է զբաղեցրել Սենթ Լուիսի մրցաշարում
18.08.2024 | 16:31
Սենթ Լուիսում ավարտվեց «Grand Chess Tour: Saint Louis 2024» արագ և կայծակնային շախմատի շրջանային մրցաշարը. հայտնում են Հայաստանի Շախմատի ֆեդերացիայից։
Մրցաշարի մասնակիցներն էին գրոսմայստերներ Հիկարու Նակամուրան, Ֆաբիանո Կարուանան, Յան Նեպոմնյաշչին, Նոդիրբեկ Աբդուսատորովը, Ալիռեզա Ֆիրուզջան, Ուեսլի Սոն, Ռամեշբաբու Պրագնանանդհան, Լենիեր Դոմինգեսը, Լևոն Արոնյանը և Մաքսիմ Վաշիե-Լագրավը:
Լարված և հետաքրքիր պայքարից հետո լավագույն եռյակը ունեցավ հետևյալ տեսքը.
1-ին տեղ՝ Ալիռեզա Ֆիրուզջա
2-րդ տեղ՝ Ուեսլի Սո
3-րդ տեղ՝ Հիկարու Նակամուրա
Լևոն Արոնյանը 36 հնարավորից վաստակեց 19 միավոր և զբաղեցրեց 4-րդ հորիզոնականը՝ Նակամուրայից հետ մնալով ընդամենը կես միավորով:
