01.11.2024 | 11:25
Բաքուն ՀՀ-ում Ֆրանսիայի դեսպանին մեղադրել է Ադրբեջանի դեմ «զրպարտչական արշավի» մեջ
Շվեդիայում «կապիկի ծաղիկի» դեպք է գրանցվել․ սա առաջին դեպքն է Աֆրիկայի սահմաններից դուրս
Քաղաքականություն
16.08.2024 | 22:44
Շվեդիայում «կապիկի ծաղիկի» դեպք է գրանցվել։ Սա Աֆրիկայի սահմաններից դուրս այս հիվանդության առաջին դեպքն է։ Շվեդիայի սոցիալական քաղաքականության նախարար Յակոբ Ֆորսմեդը հայտնել է, որ այս դեպքում խոսքը վիրուսի վտանգավոր տարբերակի՝ 1b-ի մասին է։ Ստոկհոլմը պարզաբանել է, որ հիվանդը վարակվել է Աֆրիկայում։ Վիրուսը կարող է փոխանցվել ինչպես կենդանուց մարդուն, այնպես էլ մարդուց մարդուն, գրում է Euronews-ը։
«Իհարկե, մենք լուրջ ենք վերաբերվում դրան, միաժամանակ, սա մի խնդիր է, որին ի վիճակի է դիմակայել ինֆեկցիոն հիվանդությունների տարածումը վերահսկող առողջապահական համակարգը։ Կան հաստատված արձանագրություններ և համակարգեր այս խնդիրը լուծելու համար: Շվեդիայի Առողջապահության նախարարությունը համակարգում է աշխատանքը ազգային մակարդակով և երկխոսություն է վարում վարակի վերահսկման տարածաշրջանային ստորաբաժանումների հետ»,-ասել է Յակոբ Ֆորսմեդը:
Շվեդիայի հանրային առողջության գործակալությունը հայտնել է, որ երկրում վիրուսի դեմ բուժում ստացող հիվանդը վտանգ չի ներկայացնում բնակչության համար: Այնուամենայնիվ, ԱՀԿ փորձագետները չափազանց անհանգստացած են հիվանդության տարածմամբ։
«ԱՀԿ-ն տեղում աշխատում է տուժած և ռիսկային երկրների հետ մեր տարածաշրջանային և այլ գրասենյակների միջոցով: Մենք նաև աշխատում ենք մեր գործընկերների հետ, ներառյալ Աֆրիկյան հիվանդությունների վերահսկման և կանխարգելման կենտրոնները, ՀԿ-ները, քաղաքացիական հասարակության ներկայացուցչիները և այլք»,- իր հերթին հայտարարել է ԱՀԿ գլխավոր քարտուղար Թեդրոս Ադանոմ Գեբրեյեսուսը:
«Կապիկի ծաղիկն» առաջացնում է ցավոտ ցանավորում, ավշային հանգույցների այտուցում, ջերմություն և օրգանիզմի ինտոքսիկացիա: Վիրուսն ունի երկու տարատեսակ։ Գոյություն ունեն երկու պատվաստանյութեր, որոնք օգտագործվում են հիվանդության կանխարգելման համար։ Դրանք առաջարկվում են Իմունիզացիայի հարցերով ԱՀԿ-ի փորձագետների ռազմավարական խորհրդատվական խմբի կողմից:
