11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Սպիտակ տունը հայտարարել է, որ Իրանը չի հրաժարվել Իսրայելի վրա հարձակվելու գաղափարից
Քաղաքականություն
15.08.2024 | 22:37
Միացյալ Նահանգները կարծում է, որ Իրանը չի հրաժարվել Իսրայելի վրա հարձակվելու ծրագրերից։ Այս մասին հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին, գրում է Times of Israel-ը։
«Մենք ստիպված ենք ենթադրել, և մեր ունեցած տեղեկատվությունը մեզ ասում է, որ Իրանը չի հրաժարվել Իսրայելի վրա ինչ-որ ձևով հարձակման իր սպառնալիքից, գուցե նույնիսկ օգտագործելով վստահված անձանց, ինչպիսիք են Հըզբոլլահը կամ հութիները։ Դա կարող է տեղի ունենալ մոտ ապագայում, դա կարող է տեղի ունենալ հիմա, փաստացիորեն ցանկացած պահի»,- ասել է նա CNN-ին տված հարցազրույցում։
Մերձավոր Արևելքում իրավիճակի կտրուկ վատթարացավ այն բանից հետո, երբ Թեհրանում սպանվեց պաղեստինյան արմատական ՀԱՄԱՍ շարժման քաղբյուրոյի նախագահը, իսկ Բեյրությում՝ Հըզբոլլահի ռազմական թևի հրամանատարներից մեկը։
Իրանը, ՀԱՄԱՍ-ը և Հըզբոլլահը կատարվածի համար մեղադրել են Իսրայելին և հայտարարել, որ դա անպատասխան չեն թողնի:
