07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
Նիժնի Նովգորոդում երկու դեռահասի նկատմամբ գործ է հարուցվել ռազմական «կեղծիքների» համար
Քաղաքականություն
14.08.2024 | 22:29
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
ՌԴ Նիժնի Նովգորոդ քաղաքում տեղի երկու բնակիչների նկատմամբ քրեական գործ է հարուցվել ռազմական «կեղծիքների» վերաբերյալ (Քրեական օրենսգրքի 207.3 հոդվածի 2-րդ մասի «բ» կետ): Այս մասին հայտնել են Քննչական կոմիտեի մարզային վարչությունից, գրում է Current Time-ը։
Երկու կասկածյալներն էլ բերման են ենթարկվել։ Ըստ քննիչների՝ նրանք տեսահոսթինգի կայքերից մեկում տեսանյութ են տեղադրել՝ «Ուկրաինայի խաղաղ բնակչության դեմ Ռուսաստանի զինված ուժերի գործողությունների մասին կանխամտածված կեղծ տեղեկություններով»։
Խոսքը տեղի դպրոցի երկու շրջանավարտների մասին է, գրում է NN.RU-ն՝ ԱԴԾ բաժնին հղումով։ Տարածաշրջանային ՆԳՆ-ի տվյալներով՝ երկու կասկածյալներն էլ ծնվել են 2006 թվականին։
2023 թվականի նոյեմբերին Astra-ն գրել էր, որ Նիժնի Նովգորոդի թիվ 82 լիցեյում երկու աշակերտների նկատմամբ վարչական արձանագրություններ են կազմվել՝ ռուսական բանակը «վարկաբեկելու» համար (Վարչական օրենսգրքի 20.3.3 հոդված)։ Նրանց մասին ոստիկանություն է հայտնել ուսումնական հաստատության տնօրեն Նինա Գովորովան։ Նա բողոքել է, որ ուսումնական հաստատությունն էլեկտրոնային նամակ է ստացել տեսանյութով, որտեղ ավագ դպրոցի աշակերտները, իբր, քննարկում են Ուկրաինան, ուսուցիչներին և քննադատում ռուսական բանակը:
