09.09.2026 | 19:47
Սեպտեմբերի 10-ից մինչև նոյեմբերի 1-ը փակ կլինի Կոմիտասի պողոտա-Դավիթ Անհաղթի փողոց ուղեանցի վերին հատվածը
Ուկրաինայի զինված ուժերի հարձակումը կավարտվի, եթե ՌԴ-ն համաձայնի Կիևի պայմաններին․ ԱԳՆ
Քաղաքականություն
14.08.2024 | 14:23
Ուկրաինայի Զինված ուժերը կդադարեցնեն հարձակումը Կուրսկի շրջանում, երբ Ռուսաստանը համաձայնի «արդար խաղաղության» և Ուկրաինայի նախագահ Վլադիմիր Զելենսկիի առաջարկած «խաղաղության բանաձևի» պայմաններին, ասել է Ուկրաինայի ԱԳՆ պաշտոնական ներկայացուցիչ Գեորգի Տիխին, փոխանցում է DW-ի ռուսական ծառայությունը։
«Որքան շուտ Ռուսաստանի Դաշնությունը համաձայնի վերականգնել արդար խաղաղությունը, մասնավորապես, «խաղաղության բանաձևի» հիման վրա, այնքան շուտ կդադարեն Ուկրաինայի պաշտպանության ուժերի հարձակումները Ռուսաստանի Դաշնության տարածքում»,- ասել է նա Կիևում տեղի ունեցած ճեպազրույցի ժամանակ։
Ուկրաինայի ԱԳՆ ներկայացուցիչը «բացարձակ օրինական» է անվանել Ուկրաինայի գործողությունները Ռուսաստանի սահմանամերձ շրջանի տարածքում՝ հաշվի առնելով ՄԱԿ-ի կանոնադրությամբ ամրագրված ինքնապաշտպանության իրավունքը։ Նրա խոսքով՝ իր երկիրը շահագրգռված չէ ռուսական տարածքների բռնակցմամբ, այլ ցանկանում է պաշտպանել իր ժողովրդի կյանքը։
Բացի այդ, այս օպերացիան նպատակ ունի բարդացնել Ռուսաստանի զինված ուժերի նյութատեխնիկական ապահովումը և թույլ չտալու նրանց լրացուցիչ ստորաբաժանումներ տեղափոխել Դոնեցկի մարզ։
