25.06.2026 | 20:31
Քարոզարշավի «գինը»․ ինչքան են ծախսել քաղաքական ուժերն ու ինչ «նվերներ» են ստացել. ՏԵՍԱՆՅՈՒԹ
Բելգորոդի իշխանությունները սկսում են բնակչության տարհանումը ևս մեկ սահմանային շրջանից
Քաղաքականություն
12.08.2024 | 11:45
Բելգորոդի մարզի նահանգապետ Վյաչեսլավ Գլադկովը երկուշաբթի առավոտյան հայտարարել է սահմանային Կրասնոյարուժսկի շրջանի բնակչության տարհանման մեկնարկի մասին, փոխանցում է BBC-ի ռուսական ծառայությունը։
«Անհանգիստ առավոտ է։ Կրասնոյարուժսկի շրջանի սահմանին թշնամու ակտիվություն է։ Սկսում ենք Կրասնոյարուժսկի շրջանից բնակիչների տեղափոխումը ավելի անվտանգ վայրեր»,- ասել է Գլադկովը տելեգրամում՝ հավելելով, որ այս շրջան տրանսպորտային միջոցներ արդեն ուղարկվել են։
Կրասնոյարուժսկի շրջանի սահմանամերձ Կոլոտիլովկա գյուղում ուկրաինակական ստորաբաժանումների գրոհի մասին ռուս ռազմական բլոգերները հայտնել էին դեռևս կիրակի։
Կրասնոյարուժսկի շրջանը գտնվում է Բելգորոդի շրջանի հյուսիս-արևմուտքում՝ շրջկենտրոնից՝ Կրասնայա Յարուգայից մինչև Կուրսկի շրջանի Սուջա, ուր օգոստոսի 6-ին մտել էին ուկրաինական ստորաբաժանումները, մոտավորապես 45 կմ է։
Մինչ Ուկրաինայի զինված ուժերի գործողության մեկնարկը ռուսական Կոլոտիլովկայի և ուկրաինական Պոկրովկայի միջև սահմանային անցակետը միակ գործող անցակետն էր ռուս-ուկրաինական սահմանին։
