09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
ՀՀ ԱԳՆ-ն ցավակցություն է հայտնել Բրազիլիային՝ Սան Պաուլու նահանգում ավիավթարի կապակցությամբ
10.08.2024 | 11:48
ՀՀ ԱԳՆ-ն ցավակցություն է հայտնել Բրազիլիային՝ Սան Պաուլու նահանգում տեղի ունեցած ավիավթարի կապակցությամբ։
«Հայաստանը համերաշխ է Բրազիլիայի հետ, որը սգում է Սան Պաուլու նահանգում ավիավթարի հետևանքով 61 ուղևորի և անձնակազմի անդամների մահը։
Մեր անկեղծ ցավակցությունն ենք հայտնում զոհվածների ընտանիքներին»,- նշված է ՀՀ արտաքին քաղաքական գերատեսչության X-ի միկրոբլոգում:
Ավելի վաղ տեղեկացրել էինք, որ Բրազիլիայի Սան Պաուլու քաղաքի մոտակայքում վթարի է ենթարկվել Voepass ավիաընկերության ուղևորատար ինքնաթիռը: Ավիաընկերության հայտարարության համաձայն ՝ ATR 72 օդանավում 62 մարդ է եղել։
Բրազիլական Վալինյուշ քաղաքի քաղաքապետարանը հայտնել էր, որ ոչ ոք չի փրկվել։
